بسم الله الرحمن الرحيم
نصيحة عند ازالة شعر الوجه بالشمع
بنات كتير بتسأل عن "الشمع" لإزالة شعر الوجه، "الشمع"
كويس جدا في إزالة الشعر بينضف الوش جدا وكمان الشعر لما بيطلع تاني بيكون "ناعم"
ومش بيسبب أي خشونة في الجلد عكس الفتلة.
عيوبة إنه "حامي" مش أي بشرة تستحمله ومع الوقت والإستخدام المتكرر بيعمل "ترهل في الجلد".
تقدري تستخدميه بس لازم تعرفي القواعد دي.
1-لازم تعرفي نوع بشرتك "خاصة لو حساسة" لأن البشرة الحساسة ليها نوع شمع معين.
2-لازم تعمليه في كوافير متخصص مش في البيت لأن وارد تحرقي نفسك.
3-لما البنت تحط الشمع على وجهك قوليلها تشد مرة واحدة فقط ومتكررش الشدة تاني
ولا تحط شمع تاني على نفس المكان لأن الجلد "بيتعور وبيتجلف"
ولو لسة في شعر ممكن تشيلي الكام شعراية دول بالفتلة.
4-لو وشك التهب حطي مرهم للإلتهابات من "الصيدلية".
5- إعملي مرة في الشهر كفاية ولو مشعرة أوي إعملي تشقير بس علشان وشك مايحصلوش ترهل في المستقبل.
مع السلامه