حلى بارد سهل وسريع بالبرتقال | مذاقه راااائع جدا يحبوه الاطفال
الطريقة بالتفصيل
وصفتنا انهارده خفيفة وسهله ومش هتاخد عشر دقايق فى تحضيرها
حلى البرتقال
البرتقال متوفر الايام دي كتير ولازم نستغله ونعمل بيه وصفات حلوة
والوصفة دي حلوة وسريعة وخفيفة وهتنفع جداا
فى رمضان تحفة وهتعجبكم خصوصا لعشاق البرتقال
الطبقة الاولى
٢ كوب عصير برتقال فريش بدون مايه ومصفى من اي الياف
معلقتين ونص كبار نشا
٥ معالق سكر او حسب الرغبه
معلقة بودرة برتقال تانج او اي نوع لتعزيز اللون (اخياري)
هندوب النشا فى عصير البرتقال والسكر وبودرة البرتقال
ونرفهم على النار مع التقليب المستمر لحد م تغلى والقوام يتماسك بيكون السمك
بتاعه متوسط مش تقيل اووي وبكون مسحه القالب زيت خفيف اووي
عشان يسهل قلبه وبنزل بيها لحد نص القالب تقريبا واسيبها تبرد
واحضر الطبقة التانية
٢ كوب حليب
معلقتين ونص كبار نشا.
سكر حسب الرغبة
وفانيليا
هنقلبهم على البارد ونرفعهم على النار وفى الاخر بضيف الفانيليا
ولما يغلى ويوصل للقوام المطلوب نطفى وناخده ننزل بيه على الطبقة الاولى
بعد م تكون بردت شوية يعنى ووشها تماسك عشان ميختلطوش فى بعض وندخلها التلاجه حوالى ٣
ساعات ولما تطلع نوسع الحروف براحه ونقلبها وتتقدم بالف هنا
طعمها جميل والقوام بتاعها كريمى جداا
وناعم وبتدوب فالبق وطعم الطبقتين مع بعض احلى بكتتير من كل طبقة لوحدها
