بسم الله الرحمن الرحيم
السلام عليكم ياحبايبي
مش معني إن بعمل حلويات يبقى منعملوش المخللات
ده ما يحلاش الأكل إلا بيه اه والله شكله وطعمه ولا اروع
المخلل المشكل :
مش معني إن بعمل حلويات يبقى منعملوش المخللات
ده ما يحلاش الأكل إلا بيه اه والله شكله وطعمه ولا اروع
المخلل المشكل :
لفت _ جزر _ خيار _ نصف كيلو من كل نوع ربع كيلو شطه حراقة _ قرانبيط _ ربع كوب خل _
معلقه كبيرة سكر _ ملح _ معلقة كبيرة هريسة ودى اختيارى مش ضروى يابنات خالص _
ومعلقة كبيرة شطه حمرا _ و3 فصوص ثوم مقطعين شرايح ربع بنجراية .
الطريقة :
نغسل الخضار جيداا ونقطعه كله
ما عدا الخيار والشطه نعمل فيهم فتحات كده بالسكين فقط
ونضيف على اللفت شويه ملح وشطه حمرا ونركنه حوالى ساعه كده يخر ميته
وحطيه بالميه بتاعته بعد كده نجيب الجزر والقرانبيط نحطه فى مية مغلية على النار ثوانى ونطلعه يبرد
نضيف المكونات كلها على بعضها ونقلبهم كويس جداااااااا
ونحطهم فى البرطمان وننزل عليهم بميه كانت مغلية وبردت وتحطى عليها الملح والسكر
بحيث لما تدوقى الميه تكون حادقة شويه عشان تظبط المخلل كويس والف هنا وصحه
يلا بقي جربوه بطريقتي وادعولي دعوه حلوه من القلب
ملحوظه
ممكن تعملي أي صنف واحد من الأصناف دي لوحده عادي جدا كوب الميه بياخد معلقه كبيره ملح
وكلي منه بعد 3 ايام بالظبط إن شاء الله
بيا على الصور بقى يااااااه على الجمال والروعه
يلا بقي جربوه بطريقتي وادعولي دعوه حلوه من القلب
فى امان الرحمن