اختراع يا بنات
بس بجد احلي اختراع ده ولاايه
الفطير الفلاحي اللي مش فطير فطير بس بالجلاش حاجه كده اختراع يا كوتش تحفه تحفه بصراحه
بس محدش يقولي ولا دايت ولاريجيم لان لما نعمل ريجيم مين اللي هياكل الاكلات دي
المهم نعمله ازي بقا نجيب جلاش وندهن صينيه سمن ولما نيجي نفرد الجلاش نفرد نص الورقه جوا ونسيب نصها لبره
وندهن بقا كل طبقه نفردها خليط بقا عباره عن ايه سمنه او زبده مع زبادي وممكن تزودي قشطه لو عندك وتقلبيهم
وتدهني منه بفرشه لغايه ما نخلص كل جلاش لو عاوزه محشيه تطبقي نص الورق اللي سبته بره
وبعدين تحطي الحشوه انا حطيت جبنه موتزاريلا وزيتون وفلفل وبعدين تطبقي النص التاني من الورق
وتدهني برضو من الخليط وانتي بتطبقي وبعدين تدهني الوش ورشيت علي وش كمان جبنه وفلفل
وغملت كمان ساده علشان تاكلي معاه بقا اي حاجه ممكن عسل اسود او ابيض وممكن مش يا سلام
ولو عاوزاه حلو احشيه مهلبيه ومكسرات ولما يطلع رشي شربات تقيل وسكر بودره
بس عاوزه اقولكم بجد احلي من الفطير ولا عجن ولت ولافرد والعذاب ده ومش بياخد وقت في الفرن خالص
بس ملحوظه
خلي الزبادي يبقا كميته اكتر من سمنه علشان ده اللي بيخليه طري من جوا زي الفطير وشوفي في الصور مورق وطري ازاي
جربوه والله تحفه
والله احنا ممكن ننفع ويجي مننا
بردو
ملحوظه يابنات لازم تغطيه بعد ما يطلع من فرن ولو مش عاوزه وشه مقرمش ممكن ترشه مايه خفيف ببخاخ وتغطيه
