السلام عليكم يا أهل (منتدى كنتوسه)
تحياتي لكم جميعا أينما كنتم ...
العاشوراء بقى النهاردة يومها كل سنة وانتم طيبين
المقادير :
ربع كيلو قمح _اتنين كيلو لبن (مغليين وبالقشطة بتاعتهم )_
سكر للتحلية (حسب الذوق )_
جوز هند _فانيليا _نشا (حوالى كوب وممكن منحتاجش ناخده كله )
الطريقة :
*من بالليل نقى القمح وانقعيه لغاية الصبح
*صفى القمح من ماء النقع..وغطيه بالماية بزيادة عقلتين
*اغلى القمح وخلى بالك لما يطلع (ريم على الوش )لازم نشيله
*سيبى القمح على نار هادية لغاية لما يستوى وحباته تتفتح ...
هنا بقى ضيفى عليه شوية سكر علشان حبة القمح تبقى نفسها مسكرة
*نضيف بقى اللبن الساخن للقمح ونضيف السكر اللازم ونقلب كويس قوى علشان نتأكد إن السكر داب ...
نضيف جوز الهند ياخد غلوة معاهم
*حندوب النشا فى كوب ماء ونصفيه (للتخلص من أى شوائب)
*حنخلى خليط اللبن والقمح على نار هادية وننزل عليه بالنشا المدوبة فى الماية( على شكل خيط)
مع التقليب المستمر حتى الحصول على القوام المناسب (لا هو سائل ولا هو غليظ )
*نضيف بقى كيسين من الفانيليا مع التقليب ونطفى النار ...
*نغرف العاشورا فى أطباق ونتركها حتى تبرد قليلا ...
ثم نزينها بالزبيب أو المكسرات ...
ومهم جدا نغطيها قبل مانحطها فى التلاجة علشان يفضل وشها طرى وميكونش طبقة ناشفة على الوش
*وألف هنا وشفا ...
ويارب أكون قدرت أقدم معلومة مفيدة (وما توفيقى إلا بالله)
